Milanning «Inter» klubi o‘ng qanot himoyachisi Denzel Dyumfris yaqin orada Madridning «Real» klubiga o‘tadi. Ispaniya grandi niderlandiyalik futbolchining «neradzurrilar» bilan shartnomasida ko‘rsatilgan 20 million yevrolik tovon puli bandidan foydalanadi. Futbolchining o‘zi bilan allaqachon kelishuvga erishilgan.

Insayder Fabrisio Romanoning ma’lumotlariga ko‘ra, Dyumfrisni sotib olish g‘oyasi «Real»da yakdillik bilan ma’qullangan: himoyachi nomzodini klub prezidenti Florentino Peresdan tortib, jamoaning bo‘lajak murabbiyi Joze Mourinyogacha bo‘lgan barcha mutasaddilar qo‘llab-quvvatlagan.

Qolaversa, portugaliyalik murabbiy aynan ushbu futbolchini imzolashga alohida ishtiyoq bilan talab qo‘ygan. Yaqin vaqt ichida Denzel Dyumfris tibbiy ko‘rikdan o‘tishi kerak, shundan so‘ng transfer rasman rasmiylashtiriladi.