«Барселона» яқин келажакда «Бавария» ҳужумчиси Харри Кейнни ўз сафига қўшиб олиши даргумон. CatalunyaRadio хабарига кўра, инглиз футболчиси клуб алмаштирмоқчи эмас – у Мюнхенда ўзини бахтиёр ҳис қилмоқда ва жамоада қолишни истайди.

Шунга қарамай, каталонияликларнинг баъзи юқори мартабали вакиллари ҳали ҳам Роберт Левандовскининг ўрнини босишга қодир бўлган 32 ёшли ҳужумчини қўлга киритиш имкониятига ишонишмоқда.

Харри Кейннинг «Бавария» билан амалдаги шартномаси бир йилдан сўнг якунига етади, аммо яқин ойлар ичида шартнома муддати узайтирилиши кутилмоқда. Ўтган мавсумда футболчи ақл бовар қилмас натижа кўрсатди: 51 та учрашувда 61 та гол урди ва 7 та голли узатмани амалга оширди.