«Манчестер Юнайтед» жамоанинг ярим ҳимоя чизиғини тубдан янгилашга қарор қилди. «Қизил иблислар» сафига яқин орада «Аталанта» футболчиси Эдерсон қўшилиши кутилмоқда. Инсайдер Фабрицио Романонинг маълум қилишича, бразилиялик футболчи манкунианликларнинг ягона трансфери бўлмайди: Каземиро ва Мануэль Угарте жамоадан кетиши сабабли, «МЮ» Эдерсондан кейин яна бир ёки икки нафар янги ярим ҳимоячини имзолайди.
«Аталанта» юлдузининг трансфери инглиз грандига бонусларни ҳисобга олмаганда 40 миллион еврога тушади. Турли манбаларга кўра, «Юнайтед» яна Эллиот Андерсон, Орельен Тчуамени, Матеуш Фернандеш, Адам Уортон, Карлос Балеба ва бошқа кўплаб таниқли ярим ҳимоячиларга қизиқиш билдирмоқда.
