«Марсель» ҳужумчиси Мэйсон Гринвуд ёзги трансфер ойнасида Италияга кўчиб ўтиши мумкин. «Рома» клуби инглиз футболчисини ўз сафига қўшиб олиш учун жиддий маблағ сарфлашга тайёр: MatchDay Central нашрининг Sky Sportга таяниб хабар беришича, римликлар Францияда ўзини ёрқин кўрсатган «Манчестер Юнайтед» тарбияланувчиси учун тахминан 50 миллион евро таклиф қилиши мумкин.
Аввалроқ 24 ёшли футболчига «ПСЖ», «Атлетико», «Тоттенхэм», «Ювентус» ва бошқа нуфузли клублар қизиқиш билдираётгани ҳақида хабарлар тарқалган эди.
Мэйсон Гринвуд ўтган мавсумда 45 та ўйинда майдонга тушиб, 26 та гол урди ва 11 та голли узатмани амалга оширди. Transfermarkt порталида ҳужумчининг нархи 55 миллион еврога баҳоланмоқда.
