Ҳужумчи Душан Влаховичнинг «Ювентус» билан амалдаги шартномаси ой охирида ўз ниҳоясига етади. Томонлар аллақачон узоқ вақтдан буён музокаралар олиб бормоқда, бироқ ҳалигача бир тўхтамга кела олишмади. Сербиялик футболчининг бошқа клубларга ўтиш вариантлари ҳам кўп эмас: у билан турли жамоалар боғланган бўлса-да, ҳозирги пайтда ҳеч қандай аниқлик йўқ.
Журналистлар Маттео Моретто ва Фабрицио Романонинг хабарларига кўра, яқин орада «Ювентус» ҳужумчининг вакиллари билан шартномани узайтириш бўйича сўнгги музокараларни ўтказади. «Кекса синьора» раҳбарияти 26 ёшли футболчи барибир шартнома имзолаши ва клубда қолишига ишонмоқда, чунки бошқа даъвогарларнинг ҳеч бири унга молиявий жиҳатдан шунчалик қулай шартларни таклиф қилишга тайёр эмас.
