ФИФА президенти Жанни Инфантино «ПСЖ» ва «Арсенал» ўртасидаги Чемпионлар Лигаси финал учрашувида (1:1, пенальтилар бўйича 4:3) «Реал» президенти Флорентино Перес билан бўлган учрашуви ҳақида фикр билдирди.
«Будапештда ўтган УЕФА Чемпионлар Лигаси финалида Флорентино Перес билан суҳбатлашиш жуда ёқимли бўлди.
Унинг футболдаги муваффақиятлари, қўшган ҳиссаси ва таъсири беқиёсдир. Футбол учун қилган барча ишларингиз учун ташаккур. Сизнинг ёрдамингиз билан «Реал Мадрид» жаҳон аренасида порлашда давом этмоқда ва ишончим комилки, сизнинг раҳбарлигингизда клубни янада порлоқ келажак кутмоқда.
ФИФАни Испания шарафини ҳимоя қилувчи «Реал Мадрид» билан узоқ тарих боғлаб туради — ушбу клуб бундан 122 йил аввал ФИФАнинг етти нафар асосчисидан бири бўлган. Испаниянинг 36 карра чемпиони ва Европа клублар ўртасидаги мусобақаларнинг энг муваффақиятли жамоаси, шунингдек, ўтган йили илк бор ўтказилган ФИФА клублар ўртасидаги жаҳон чемпионатида ҳам иштирок этган ва бутун дунё бўйлаб мухлисларни бирлаштиришда давом этмоқда», — деб ёзди Инфантино ижтимоий тармоқдаги саҳифасида.
