FIFA prezidenti Janni Infantino «PSJ» va «Arsenal» o‘rtasidagi Chempionlar Ligasi final uchrashuvida (1:1, penaltilar bo‘yicha 4:3) «Real» prezidenti Florentino Peres bilan bo‘lgan uchrashuvi haqida fikr bildirdi.
«Budapeshtda o‘tgan UEFA Chempionlar Ligasi finalida Florentino Peres bilan suhbatlashish juda yoqimli bo‘ldi.
Uning futboldagi muvaffaqiyatlari, qo‘shgan hissasi va ta’siri beqiyosdir. Futbol uchun qilgan barcha ishlaringiz uchun tashakkur. Sizning yordamingiz bilan «Real Madrid» jahon arenasida porlashda davom etmoqda va ishonchim komilki, sizning rahbarligingizda klubni yanada porloq kelajak kutmoqda.
FIFAni Ispaniya sharafini himoya qiluvchi «Real Madrid» bilan uzoq tarix bog‘lab turadi — ushbu klub bundan 122 yil avval FIFAning yetti nafar asoschisidan biri bo‘lgan. Ispaniyaning 36 karra chempioni va Yevropa klublar o‘rtasidagi musobaqalarning eng muvaffaqiyatli jamoasi, shuningdek, o‘tgan yili ilk bor o‘tkazilgan FIFA klublar o‘rtasidagi jahon chempionatida ham ishtirok etgan va butun dunyo bo‘ylab muxlislarni birlashtirishda davom etmoqda», — deb yozdi Infantino ijtimoiy tarmoqdagi sahifasida.
