Мюнхеннинг «Бавария» клуби «Манчестер Юнайтед» ҳужумчиси Маркус Рэшфорднинг трансфер ҳолатини кузатиб бормоқда. «The i Paper» нашрига кўра, немис клуби 28 ёшли футболчини ўз сафида кўришни истаган бешта жамоа қаторига киради. Рэшфордга «Бавария»дан ташқари, «Ньюкасл», «Астон Вилла», «Тоттенхэм» ва «Барселона» клублари ҳам қизиқиш билдирмоқда.

Шунга қарамай, «Бавария»нинг таркибни кучайтириш борасидаги устувор мақсади ПСВ футболчиси Исмаэль Сайбари бўлиб қолмоқда. Мюнхенликлар 25 ёшли марокашлик футболчи билан шахсий шартнома шартларини аллақачон келишиб олишган. Агар клублар трансфер нархи борасида келишувга эриша олмаса, «Бавария» муқобил вариантларга ўтиши мумкин, улардан бири эса Маркус Рэшфорд ҳисобланади.