Myunxenning «Bavariya» klubi «Manchester Yunayted» hujumchisi Markus Reshfordning transfer holatini kuzatib bormoqda. «The i Paper» nashriga ko‘ra, nemis klubi 28 yoshli futbolchini o‘z safida ko‘rishni istagan beshta jamoa qatoriga kiradi. Reshfordga «Bavariya»dan tashqari, «Nyukasl», «Aston Villa», «Tottenxem» va «Barselona» klublari ham qiziqish bildirmoqda.
Shunga qaramay, «Bavariya»ning tarkibni kuchaytirish borasidagi ustuvor maqsadi PSV futbolchisi Ismael Saybari bo‘lib qolmoqda. Myunxenliklar 25 yoshli marokashlik futbolchi bilan shaxsiy shartnoma shartlarini allaqachon kelishib olishgan. Agar klublar transfer narxi borasida kelishuvga erisha olmasa, «Bavariya» muqobil variantlarga o‘tishi mumkin, ulardan biri esa Markus Reshford hisoblanadi.
