«Бавария» ярим ҳимоячиси Леннарт Карл Мюнхен клубидаги қайси футболчилардан кўпроқ ўрганиши ҳақидаги саволга жавоб берди.

«Майкл Олисе — кузатишни жуда яхши кўрадиган инсоним. У мен билан деярли бир хил зоналарда ўйнайди, у ҳам чапақай ва тўп билан жуда хотиржам ҳаракат қилади, ундан кўп нарсани ўрганишим мумкин. Шунингдек, Киммих ёки Харри Кейн каби футболчиларни ҳам айтиб ўтишим керак. Мени уларнинг майдондан ташқаридаги меҳнати ҳайратда қолдиради. Улар спорт залида қандай ишлаши, бунга қанчалик жиддий ёндашиши ва уларнинг кундалик тартиби қанчалик профессионал эканини кўриш чиндан ҳам кишини лол қолдиради», — дея Карлнинг сўзларидан иқтибос келтиради Säbener 51.

2025/26 йилги мавсумда Леннарт Карл «Бавария» сафида барча турнирларда 40 та ўйинда майдонга тушиб, тўққизта гол урди ва саккизта голли узатмани амалга оширди.