Ҳужумчи Душан Влахович жорий мавсум якунида «Ювентус»дан кетади. Бу ҳақда журналист Жанлука Ди Марцио хабар бермоқда.
Куни кеча Турин клуби вакиллари сербиялик ҳужумчининг атрофидагилар, жумладан, футболчининг отаси билан учрашув ўтказди. Томонлар шартномани узайтириш имкониятларини муҳокама қилишди, бироқ келишувга эриша олишмади.
Хабар қилинишича, молиявий шартлар асосий тўсиқ бўлган. Футболчининг талаблари «Ювентус» таклифидан юқори бўлиб чиққани сабабли музокаралар боши берк кўчага кириб қолди. Ушбу учрашувдан кейин томонлар ўртасида янги мулоқотлар режалаштирилмаган.
Аввалроқ матбуотда сербиялик футболчи эркин агент сифатида «Барселона»га ўтишни хоҳлаётгани ҳақида хабарлар пайдо бўлган эди.
