Hujumchi Dushan Vlaxovich joriy mavsum yakunida «Yuventus»dan ketadi. Bu haqda jurnalist Janluka Di Marsio xabar bermoqda.
Kuni kecha Turin klubi vakillari serbiyalik hujumchining atrofidagilar, jumladan, futbolchining otasi bilan uchrashuv o‘tkazdi. Tomonlar shartnomani uzaytirish imkoniyatlarini muhokama qilishdi, biroq kelishuvga erisha olishmadi.
Xabar qilinishicha, moliyaviy shartlar asosiy to‘siq bo‘lgan. Futbolchining talablari «Yuventus» taklifidan yuqori bo‘lib chiqqani sababli muzokaralar boshi berk ko‘chaga kirib qoldi. Ushbu uchrashuvdan keyin tomonlar o‘rtasida yangi muloqotlar rejalashtirilmagan.
Avvalroq matbuotda serbiyalik futbolchi erkin agent sifatida «Barselona»ga o‘tishni xohlayotgani haqida xabarlar paydo bo‘lgan edi.
