ПСВ Исмаэль Сайбарининг «Бавария»га трансферидан рекорд даражадаги маблағ ишлаб олишни кўзламоқда.
Бу ҳақда «Voetbal Primeur» нашри «Eindhovens Dagblad»га таяниб хабар берди. Таъкидланишича, ҳозирда нидерландиялик клуб тарихидаги энг қиммат трансфер Коди Гакпонинг 42 миллион евро ва 7 миллион евро бонуслар эвазига «Ливерпуль»га ўтиши ҳисобланади. Бошқа маълумотларга кўра, рекорд Ирвинг Лосанонинг 50 миллион евро эвазига «Наполи»га ўтиши билан ўрнатилган.
Журналист Рик Элфринкнинг ёзишича, мюнхенликлар марокашлик ярим ҳимоячи учун бонусларни ҳисобга олган ҳолда тахминан 50 миллион евро таклиф қилишади, аммо Эйндховен клуби бундан кўпроқ маблағ олишни истамоқда. Музокараларнинг муҳим жиҳати тўловларнинг қатъий белгиланган қисми ва тўлов санаси бўлади.
Ўтган мавсумда Сайбари Нидерландия чемпионатида 27 та ўйин ўтказиб, 15 та гол урди.
