Лондоннинг «Арсенал» клуби ҳужумчиси Кай Хаверц Германия терма жамоасидаги дарвозабонлар борасидаги вазиятга ўз муносабатини билдирди. 40 ёшли Мануэль Нойер Германия миллий жамоасига қайтди – у жаҳон чемпионати учун қайдномага киритилди. «Бавария» сардори деярли икки йил давомида халқаро миқёсда майдонга тушмаган эди.
«Ману — мен фаолиятим давомида кўрган энг яхши дарвозабон. Унинг савияси ҳақида ортиқча гапиришдан маъно йўқ. Оли Бауманн ҳам яхши — у «Хоффенхайм»да ажойиб мавсумни ўтказди. Бизда шундай ажойиб дарвозабонлар борлигидан хурсандмиз. Қарорни эса мураббий қабул қилади», — дея Хаверцнинг сўзларини келтиради Bayern & Germany.
Германия терма жамоаси ЖЧ-2026 гуруҳ босқичида Кюрасао, Кот-д’Ивуар ва Эквадор жамоаларига қарши баҳс олиб боради.
