Мадриднинг «Реал» клуби ярим ҳимоячиси Федерико Вальверде фаолиятини «Манчестер Сити»да давом эттириши мумкин. Бу ҳақда «El Chiringuito» хабар бермоқда.

Манбанинг маълумотига кўра, «шаҳарликлар» ёзги трансферлар вақтида ярим ҳимоя чизиғини кучайтириш мақсадида 90 миллион евролик таклиф тайёрламоқда. Таъкидланишича, «Реал» сардори «Манчестер Сити»нинг асосий трансфер нишонларидан бирига айланган.

Шу билан бирга, Орельен Тчуамени билан юзага келган зиддиятдан сўнг, Вальверденинг «Қироллик клуби»даги келажаги ҳозиргача ноаниқ бўлиб қолмоқда.

Ўтган мавсумда 27 ёшли Вальверде барча мусобақаларда 49 та учрашувда иштирок этиб, рақиблар дарвозасини 9 марта ишғол қилган ва 13 та голли узатмага муаллифлик қилган.