«Манчестер Юнайтед» «Вест Хэм» ярим ҳимоячиси Матеуш Фернандешни ўз сафига қўшиб олишга уриниб кўради. Журналист Жанлуиджи Лонгарининг хабар беришича, «қизил иблислар» аллақачон португалиялик футболчи бўйича трансфер таклифини тайёрламоқда. «Болғачилар» билан расмий музокаралар яқин кунларда бошланиши мумкин.
Матеуш Фернандешнинг нархи «Transfermarkt» портали томонидан 50 миллион еврога баҳоланмоқда, хавбекнинг «Вест Хэм» билан амалдаги шартномаси 2030 йилнинг ўрталаригача мўлжалланган. Лондон клуби Англия Премьер-лигасидаги ўрнини сақлаб қола олмади, шу боис 21 ёшли футболчини пастроқ нархда сотишга мажбур бўлиши мумкин.
