«Manchester Yunayted» «Vest Xem» yarim himoyachisi Mateush Fernandeshni o‘z safiga qo‘shib olishga urinib ko‘radi. Jurnalist Janluidji Longarining xabar berishicha, «qizil iblislar» allaqachon portugaliyalik futbolchi bo‘yicha transfer taklifini tayyorlamoqda. «Bolg‘achilar» bilan rasmiy muzokaralar yaqin kunlarda boshlanishi mumkin.

Mateush Fernandeshning narxi «Transfermarkt» portali tomonidan 50 million yevroga baholanmoqda, xavbekning «Vest Xem» bilan amaldagi shartnomasi 2030 yilning o‘rtalarigacha mo‘ljallangan. London klubi Angliya Premyer-ligasidagi o‘rnini saqlab qola olmadi, shu bois 21 yoshli futbolchini pastroq narxda sotishga majbur bo‘lishi mumkin.