«Борнмут»нинг собиқ бош мураббийи Андони Ираола тез орада «Ливерпуль»ни бошқаради. Сешанба куни маълум бўлишича, томонлар аллақачон оғзаки келишувга эришган. «Sky Sports News» маълумотларига кўра, пайшанба куни испаниялик мутахассис «қизиллар» («Ливерпуль») билан шартнома имзолайди. Шундан сўнг клуб мураббий тайинланганини расман эълон қилиши кутилмоқда.
Андони Ираола уч йил давомида «Борнмут»да муваффақиятли ишлади. 43 ёшли мураббий «Ливерпуль»да май ойи охирида якунланган мавсумдаги қониқарсиз натижалари учун ишдан бўшатилган Арне Слотнинг ўрнини эгаллайди. «Ливерпуль» ўтган мавсумда АПЛда бешинчи ўринни эгаллаган бўлса, Ираола бошқарувидаги «Борнмут» атиги уч очко ортда қолган ҳолда олтинчи поғонани банд этди.
