«Манчестер Сити» клубининг қанот ҳужумчиси Савио Лондоннинг «Тоттенхэм» жамоасига кўчиб ўтиши мумкин. Бу ҳақда «O Globo» нашри хабар бермоқда.
Манбанинг таъкидлашича, бразилиялик вингер Роберто Де Дзерби жамоасининг ёзги трансфер ойнасидаги бош мақсадларидан бири бўлиб турибди. Ҳозирча томонлар ўртасидаги музокаралар дастлабки босқичда. «Шаҳарликлар» 22 ёшли ҳужумчи учун тахминан 70 миллион евро сўраши кутилмоқда.
Бундан олдинроқ Савионинг ўзи ҳам «шпорлар» лагерига ўтишга тайёр эканлиги ҳақида маълумотлар пайдо бўлган эди.
2025/2026 йилги мавсумда Савиньо барча турнирларда жами 36 та учрашувда майдонга тушиб, ўз ҳисобига 4 та гол ва 3 та голли узатмани ёздириб қўйди. Вингернинг «Манчестер Сити» билан амалдаги меҳнат шартномаси 2031 йилга қадар мўлжалланган.
