«Наполи» матбуот хизмати Антонио Контенинг бош мураббийлик лавозимини тарк этаётганини эълон қилди. Бу ҳақда Неаполь клубининг расмий сайтида хабар берилган.

«Наполи» футбол клуби Антонио Конте ва унинг мураббийлар штаби билан амалдаги шартномалар муддати якунланишидан аввал ўзаро хайрлашиш бўйича келишувга эришилганини маълум қилади», — дейилади «Наполи» баёнотида.

Антонио Конте 2024 йилдан буён «Наполи»ни бошқариб келаётган эди. Неаполликлар унинг қўл остида ўтган икки мавсум давомида 2024/2025 йилги А Серия чемпионлигини (Скудетто) ҳамда Италия Суперкубогини қўлга киритишга муваффақ бўлишди.