Андони Ираола Ливерпуль шаҳрига етиб келди. Бу ҳақда «The Independent» нашри хабар бермоқда.
43 ёшли испаниялик мутахассис Сан-Себастьян шаҳридан Жон Леннон номидаги аэропортга шахсий самолётда учиб келган ва у ердан ҳайдовчили махсус автомобилда кетган. Ираола билан музокаралар жуда тез фурсатда якунига етди. Бунга унинг «Борнмут» клубидаги биргаликдаги фаолияти орқали «Ливерпуль» спорт директори Ричард Хьюз билан яхши таниш бўлганлиги сабаб бўлган.
Яқин соатлар ичида Ираола клуб билан икки йиллик шартнома имзолаши ва истеъфога чиқарилган Арне Слотнинг ўрнини эгаллаши кутилмоқда. Ортда қолган мавсумда жамоа Англия чемпионатида (АПЛ) бешинчи ўринни банд этди. Бу эса қўлга киритилган чемпионлик унвонидан кейин жамоа учун орқага ташланган катта қадам бўлди.
