«Ноттингем Форест» ярим ҳимоячиси Эллиот Андерсон «Манчестер Сити»нинг асосий трансфер мақсадларидан бири бўлиб турибди.
Инсайдер-журналист Фабрицио Романонинг хабар беришича, «шаҳарликлар» биринчи таклиф рад этилганидан кейин ҳам 23 ёшли хавбек бўйича музокараларни давом эттирмоқда. Шу билан бирга, «Ноттингем Форест» ўз футболчиси учун 100 миллион евродан кўпроқ маблағ олишни кўзлаган.
Агар Андерсон трансфери амалга ошмай қолса, «Манчестер Сити» «Ньюкасл» ярим ҳимоячиси Сандро Тоналига эътибор қаратиши мумкин. Хабарларга кўра, италиялик футболчи «Ман Сити» учун энг муқобил вариантга айланиб бормоқда. Шунингдек, Тоналига Лондоннинг «Арсенал» клуби ҳам қизиқиш билдираётгани қайд этилган.
