«Реал» президенти Флорентино Перес президентлик сайловларидаги рақиби Энрике Рикельменинг «Манчестер Сити» ҳужумчиси Эрлинг Холандни трансфер қилиш бўйича берган ваъдаларига пичинг билан изоҳ берди.
Испаниялик тадбиркор чоршанба, 3 июнь куни тўғридан-тўғри эфирда норвегиялик футболчининг фамилияси ва 9-рақам туширилган «Реал» футболкасини намойиш этган эди. Кейинчалик футболчининг вакиллари бу маълумотни рад этиб баёнот беришди.
«Холанд? Буни ҳамма рад этди. Холанднинг агенти, Холанднинг отаси, Холанднинг клуби — хуллас, ҳамма. Бу шунчаки қуруқ ваъда эди. Агар мабодо кимдир билмаса, эслатиб ўтаман: бундай ишларда аввало клуб билан боғланиш керак», — дея Переснинг сўзларини келтиради Diario AS нашри.
«Реал» президентлиги учун сайловлар шу якшанба, 7 июнь куни бўлиб ўтади.
25 ёшли норвегиялик ҳужумчининг «Манчестер Сити» билан амалдаги шартномаси 2034 йилга қадар мўлжалланган. Transfermarkt портали футболчининг трансфер баҳосини 200 миллион еврога баҳоламоқда. 2025/26 йилги мавсумда Ҳоланд барча турнирларда 52 та ўйинда майдонга тушиб, 38 та гол урди ва 9 та голли узатмани амалга оширди.
