Мадриднинг «Реал» клуби президентлигига номзод Энрике Рикельме Испания терма жамоасининг собиқ бош мураббийи Висенте дель Боске унинг жамоасига келиб қўшилганини маълум қилди.
«Висенте дель Боске раҳбарлик лавозимини эгаллаш учун бизнинг жамоамизга қўшилмоқда», — дея Рикельменинг сўзларини келтиради MadridZone нашри.
Шунингдек, у бош мураббийлик лавозимига номзодларнинг биронтаси билан ҳам гаплашмаганини таъкидлаб ўтди.
«Мен Юрген Клопп билан ҳеч қачон гаплашмаганман ва бирон бир мураббий билан ҳам алоқага чиқмадим. Бу иш билан мен эмас, балки спорт раҳбарияти шуғулланади», — деди Рикельме.
«Реал» президентлиги учун сайловлар шу якшанба, 7 июнь куни бўлиб ўтади.
2025/26 йилги мавсумда «Реал» 86 очко жамғариб, Испания чемпионатида иккинчи ўринни эгаллади. Турнир ғолиблигини эса 94 очко билан «Барселона» қўлга киритди.
