«Манчестер Юнайтед» ижрочи директори Омар Беррада жамоа бош мураббийи Майкл Кэррик ҳақидаги фикрлари билан ўртоқлашди. Англиялик мутахассис шу йилнинг январь ойида Рубен Аморимнинг ўрнини эгаллаган эди. Баҳорнинг сўнггида Каррик муваффақиятли фаолияти учун муносиб тақдирланди — у билан шартнома 2028 йилгача узайтирилди.

«Илгари Майклни шахсан танимас эдим, шу сабабли биз илк бор ишга қабул қилиш суҳбатида учрашдик. У ҳақида жуда кўп ижобий фикрларни эшитгандим ва уларнинг барчаси ҳақиқат бўлиб чиқди. У «Манчестер Юнайтед»ни яхши кўради, клуб қадриятларини теран тушунади ва одамларни бошқаришни билади. Футболчиларнинг у билан ишлаш борасидаги фикрлари ҳаммасини айтиб турибди. Кэррик келгуси икки йил давомида ёки ундан ҳам кўпроқ вақт жамоа билан ишлаш ҳуқуқини тўлақонли равишда қўлга киритди. Менимча, яқин мавсумларда «МЮ» юқори чўққиларда бўлиши учун унда ва унинг мураббийлар штабида барча зарур фазилатлар мавжуд», — дея инглиз ОАВлари Берраданинг сўзларини келтирмоқда.

«Қизил иблислар» Премьер-лиганинг якунланган мавсумида маррани учинчи ўринда якунлашди.