Миланнинг «Интер» клуби чап қанот ҳимоячиси Федерико Димарко жамоа бош мураббийи Кристиан Киву ниманинг эвазига муваффақиятга эришгани ҳақида гапириб берди. Руминиялик мутахассис ўтган ёзнинг бошида Симоне Индзагининг ўрнини эгаллаб, ўз лавозимига киришган эди. Унинг қўл остида «нерадзуррилар» мавсумни А Серия ва Италия Кубоги ғолиби сифатида якунлашди.
«Бошимизга қийинчилик тушган пайтларда Киву доимо керакли сўзларни топа оларди ва шу тариқа бизга иштиёқ ҳамда диққат-эътиборни сақлаб қолишда ёрдам берарди. Маълум бир паллада мен ўзимга бўлган ишончни йўқотиб қўйгандим, аммо мураббий билан бўлган суҳбат мен учун ҳақиқий нажот бўлди. Албатта, бу суҳбат мазмунини сир сақлайман, лекин унинг сўзлари мен йўқотиб қўйган ўша ички оловни (учқунни) яна қайтариб берди», — дея журналист Альфредо Педулла италиялик латералнинг сўзларини келтиради.
Эслатиб ўтамиз, Федерико Димарко бир мавсумдаги голли узатмалар сони бўйича А Серия рекордини ўрнатди (18 та) ва чемпионатнинг якунланган мавсумидаги энг яхши футболчиси деб топилди.
