Миланнинг «Интер» клуби ярим ҳимоячи Александар Станковичнинг жамоага қайтганини эълон қилди. Клуб матбуот хизматининг хабар беришича, «нерадзурри» футболчини Белгиянинг «Брюгге» клубидан қайта сотиб олиш ҳуқуқидан фойдаланган.

Футболчи билан имзоланган янги келишув 2031 йилнинг ёзига қадар мўлжалланган.

Бозор қиймати 32 миллион еврога баҳоланаётган Станкович Бельгия жамоаси сафида жами 55 та учрашувда майдонга тушиб, ўз ҳисобига 14 та голли ҳаракатни (гол + пас) ёздириб қўйишга улгурган эди. Унинг «Интер»даги фаолиятига назар ташласак, у миланликлар либосида 58 та баҳсда қатнашиб, 12 та гол урган ва 6 та голли узатмани амалга оширган.

Эслатиб ўтамиз, якунланган мавсумда «Интер» А Сериянинг олтин медалларини қўлга киритди. Бундан ташқари, миланликлар Италия Кубоги финалида Римнинг «Лацио» клубини 2:0 ҳисобида мағлуб этиб, ушбу совринга ҳам эга чиқишган эди.