«Вест Хэм» ярим ҳимоячиси Матеуш Фернандеш фаолиятини Мадриднинг «Реал» клубида давом эттириши мумкин. Бундан олдинроқ, клубдаги президентлик сайловларидан сўнг «қаймоқранглилар» бошқарувини қўлга олиши кутилаётган Жозе Моуриньо 21 ёшли португалиялик футболчини ўз жамоасида кўришни шахсан истаётгани ва уни харид қилиниши керак бўлган янги ўйинчилар рўйхатига киритгани ҳақида хабарлар тарқалган эди.

AS нашрининг ёзишича, «Вест Хэм»нинг АПЛдан тушиб кетгани эҳтимолий трансфер жараёнини янада осонлаштириши мумкин. Бундан ташқари, «Реал» ҳамда футболчининг агенти — айни пайтда Моуриньюнинг ҳам манфаатларини ҳимоя қилувчи Жорже Мендеш ўртасидаги яхши муносабатлар ҳам ушбу ўтишда муҳим омил бўлиши айтилмоқда.

Хабар қилинишича, ярим ҳимоячига «Ливерпуль» ва «Арсенал» клублари ҳам жиддий қизиқиш билдирмоқда. «Вест Хэм» эса ўз футболчисининг сотувидан тахминан 80 миллион фунт стерлинг ишлаб олишни кўзламоқда.