«Манчестер Сити» ва Франция терма жамоасининг ҳужумкор ярим ҳимоячиси Райан Шерки футбол тарихидаги энг буюк футболчи номини айтди.
«Тарихдаги энг буюк футболчи? Криштиану Роналду», — дея Шеркининг сўзларидан иқтибос келтирмоқда The Touchline нашри.
Криштиану Роналду 41 ёшида ҳам юқори даражадаги ўйин намойиш этишда давом этмоқда ва фаолияти давомидаги голлари сонини 1000 тага етказишни мақсад қилган. Айни дамда португалиялик юлдуз ҳисобида 973 та гол мавжуд. Роналду фаолияти давомида беш марта «Олтин тўп» совринини қўлга киритган. Ўз коллекциясида бундан кўпроқ мукофотга эга бўлган ягона футболчи — Лионель Мессидир (саккизта).
