«Бавария» ўз таркибини кучайтириш борасида режалар тузмоқда. «The Touchline» нашрининг журналист Дэвид Орнштейнга таяниб хабар беришича, Бундеслига гранди «Ливерпуль» вингери Рио Нгумоани сотиб олиш имкониятларини ўрганмоқда.

Ҳозирча «Бавария» ва «Ливерпуль» ўртасида ҳеч қандай алоқа бўлгани йўқ. Мерсисайд клуби 17 ёшли Нгумоа сотилмаслигини таъкидламоқда.

Ёзнинг охирида Рио Нгумоа вояга етади (18 ёшга тўлади). Вингер аллақачон «Ливерпуль»нинг асосий жамоаси сафида 30 та учрашувда майдонга тушишга улгурди. Ушбу ўйинларда Нгумоа ўз ҳисобига иккита гол ва битта голли узатмани ёздириб қўйган.

Нуфузли «Transfermarkt» портали Рио Нгумоани 30 миллион еврога баҳоламоқда.