Мадриднинг «Реал» клуби ҳужумчиси Килиан Мбаппе «қаймоқранглилар» тарихидан жой олиш унинг энг катта мақсадларидан бири эканини таъкидлади.

— Бу клуб ва жамоа сафида ўйнаётганимдан фахр ва хурсандчилик ҳис қиламан. «Реал» тарихига ўз номимни ёзишга улкан иштиёқим бор. Чунки агар сен дунёнинг энг буюк клуби тарихидан жой олсанг, умуман футбол тарихида ҳам алоҳида ўрин эгаллайсан, — деди Мбаппе Sorare'нинг YouTube каналига берган интервьюсида.

Франциялик ҳужумчи 2024 йил ёзида «Реал» сафига қўшилган эди. Шундан буён у барча мусобақаларда 103 та учрашувда майдонга тушиб, 86 та гол урди ва 12 та голли узатмани амалга оширди.

Футболчининг мадридликлар билан амалдаги шартномаси 2029 йил ёзига қадар мўлжалланган.