«Барселона» вице-президенти Рафа Юсте Мадриднинг «Атлетико» клуби томонидан берилган ва шов-шувга сабаб бўлган постларга муносабат билдирди. Яқиндагина «матрасчилар» матбуот хизмати Хулиан Альвареснинг Каталония клубига ўтиши мумкинлиги ҳақидаги хабарларни масхара қилиб чиққан эди. Шунингдек, мадридликларнинг расмий аккаунти ҳазил ва пичинг аралаш «кўк-анорранглилар» юлдузлари — Рафинья, Педри ва Ламин Ямал билан шартнома имзоланганини эълон қилганди.

«Атлетико»нинг ўша постлари — жуда хунук иш. Бизнингча, этика ҳамма нарсадан устун туриши керак. Биз ўрнак бўлишимиз лозим. Буларнинг барчаси бизнинг трансфер режаларимизга ҳеч қандай таъсир кўрсатгани йўқ. Деку ўз ишини давом эттирмоқда», — дея испаниялик ОАВ Юстенинг сўзларини келтирмоқда.

Миш-мишларга кўра, «Барселона» Альварес учун 100 миллион евро таклиф қилган, бироқ «Атлетико» музокаралар олиб боришни рад этган.