Лондоннинг «Арсенал» клуби «Пари Сен-Жермен» ҳимоячиси Эммануэль Мбембани сотиб олишга қизиқиш билдирмоқда. 18 ёшли футболчи ёзги трансфер ойнасида Париж клуби сафини тарк этиши тахмин қилинмоқда.
«Канонирлар» вазиятни диққат билан кузатиб боришмоқда ва истиқболли француз футболчисини жамоага таклиф этиш имкониятини кўриб чиқишмоқда, деб хабар беради журналист Бенжамен Куаре. Агар ушбу трансфер амалга ошса, Англия гранди катта эҳтимол билан футболчини тажриба тўплаши учун дарҳол бошқа клубга ижарага бериб юборади.
Эммануэль Мбемба ҳозирда «ПСЖ»нинг ёшлар жамоасида тўп суради, парижликларнинг асосий таркибида эса ҳали дебют қилишга улгурмаган. Ҳимоячининг амалдаги шартномаси шу ойнинг охирида (июнь ойида) якунига етади.
