«Манчестер Юнайтед» ва Португалия терма жамоаси қанот ҳимоячиси Диогу Далот Криштиану Роналдунинг 2026 йилги Жаҳон чемпионатидаги иштироки ҳақида ўз фикрлари билан ўртоқлашди. Саудиянинг «Ан-Наср» клуби ҳужумчиси бўлган 41 ёшли футболчи учун бўлажак мундиал фаолиятидаги олтинчиси бўлади.
«Роналдунинг Жаҳон чемпионатида ўйнаши керакми-йўқми деган масалага кимдир шубҳа билан қараши мен учун ақл бовар қилмайдиган ҳолат. У бизни кучлироқ қиладими? Ҳа. У билан ҳар бир учрашувдан сўнг янада донороқ бўлиб борасан», — дея Далотнинг сўзларини The Players Tribune нашри келтирмоқда.
Эслатиб ўтамиз, Португалия терма жамоаси қуръа натижаларига кўра «К» гуруҳидан жой олган. Роберто Мартинес шогирдлари гуруҳ босқичида Колумбия, Конго ДР ва Ўзбекистон терма жамоаларига қарши майдонга тушишади.
