Туркия терма жамоаси Американинг Форт-Лодердейл шаҳрида бўлиб ўтган ўртоқлик учрашувида Венесуэла жамоасини 2:1 ҳисобида мағлуб этди.
Ўйиннинг 13-дақиқасида венесуэлаликлар ҳужумчиси Глейкер Мендоса ҳисобни очди. 44-дақиқада эса Туркия терма жамоаси форварди Бариш Йилмаз жавоб тўпини киритди.
54-дақиқада ҳужумчи Юнус Акгюн Венесуэла терма жамоаси дарвозасига иккинчи голни уриб, жамоасига ғалаба келтирди.
ЖЧ-2026 финал босқичининг гуруҳ босқичида Туркия АҚШ, Парагвай ва Австралия терма жамоалари билан куч синашади.













