"Бенфика" клубининг марказий ҳимоячиси Томаш Араужу фаолиятини "Бавария"да давом эттириши мумкин. Мюнхен гранди португалиялик футболчини устувор мақсад деб ҳисобламаяпти, бироқ агар ўз ҳимоячиларидан бири билан хайрлашса, ушбу трансфер устида иш бошлаши мумкин, дея хабар бермоқда журналист Флориан Плеттенберг.
Германия клубида 24 ёшли футболчининг универсаллиги айниқса юқори баҳоланмоқда: у нафақат ҳимоя марказида, балки ўнг қанотда ҳам ўйнашга қодир.
Transfermarkt экспертлари Томаш Араужунинг баҳосини 30 миллион еврога баҳолашмоқда, унинг "Бенфика" билан амалдаги шартномаси 2029 йилгача мўлжалланган. Футболчи Португалия терма жамоаси сафида тўртта ўйин ўтказган, шу жумладан, шанба кунги Чилига қарши баҳсда (2:1) учрашув якунида захирадан майдонга тушган.
