«Кристал Пэлас» клубининг етакчи форварди Жан-Филипп Матета АПЛнинг топ-клубларидан бири — «Манчестер Юнайтед»нинг қизиқишлар доирасига тушиб қолди.

Fichajes нашри берган маълумотларга кўра, «қизил иблислар» раҳбарияти франциялик футболчини жамоа ҳужум чизиғини кучайтириш учун устувор вариант сифатида белгилаган. «Бургутлар» эса, ўз навбатида, ўз етакчиси учун камида 50 миллион евро олмоқчи.

Матета ва «Кристал Пэлас» ўртасидаги амалдаги меҳнат шартномаси келаси йилнинг ёзида якунига етади. Англия Премьер-лигасининг ўтган мавсумида форвард 32 та учрашувда майдонга тушиб, ўз ҳисобига 12 та гол (тўрттасини пенальтидан) ёздириб қўйган.