Мадриднинг «Реал» клуби президентлигига номзод Энрике Рикельме яқин вақт ичида Юрген Клопп жамоа мураббийига айланишига ишонишда давом этмоқда.
«Юрген Клоппни «Реал»нинг навбатдаги бош мураббийи бўлишга кўндира олишимизга деярли ишончим комил», — дея Рикельменинг сўзларини келтирмоқда COPE.
Бироқ, Клоппни кўндиришга уриниб кўришдан аввал, Рикельме биринчи навбатда сайловларда ғалаба қозониши керак. Сайловлар якшанба куни, 7 июнда бўлиб ўтади. Энрике Рикельме амалдаги президент Флорентино Пересга қарши кураш олиб бормоқда.













