Ҳимоячи Алехандро Бальде, катта эҳтимол билан, «Барселона»ни тарк этмайди. Mundo Deportivo нашри тарқатган маълумотларга кўра, футболчи ҳанузгача каталонияликлар сафида қолишни истамоқда.
Англия Премьер-лигасининг бир қатор клублари, жумладан, «Манчестер Юнайтед», «Манчестер Сити» ва «Астон Вилла» футболчини ўз сафига қўшиб олишга қизиқиш билдирмоқда. Бироқ, ҳимоячи «кўк-анорранглилар» лагерини тарк этиш ниятида эмас.
Алехандро Бальде «Барселона» академияси тарбияланувчиси ҳисобланади. Унинг каталонияликлар билан тузган амалдаги шартномаси 2028 йилнинг 30 июнига қадар мўлжалланган. 2025/26 йилги мавсумда ҳимоячи «сине-гранатолар» сафида барча мусобақаларда 42 та ўйинда майдонга тушиб, 3 та голли узатмани амалга оширди. Transfermarkt портали Бальденинг трансфер қийматини 50 миллион еврога баҳоламоқда.
