«Барселона» ярим ҳимоячиси Фермин Лопес кейинги мавсумда ҳам жамоада қолади. Бу ҳақда El Nacional нашри хабар бермоқда.
Манбанинг маълумотларига кўра, Каталония клуби 23 ёшли футболчининг трансфери бўйича ҳар қандай музокаралар олиб боришни қатъиян рад этган. «Камп Ноу»да Фермин Лопес дахлсиз ўйинчилардан бири деб ҳисобланиши таъкидланган.
Аввалроқ, испаниялик ярим ҳимоячини Франциянинг «Пари Сен-Жермен» клуби сотиб олмоқчи эканлиги ҳақида хабарлар тарқалган эди. Шунингдек, «Челси» ҳам хавбекка қизиқиш билдирган.
Лопес — «Барселона» академияси тарбияланувчиси ҳисобланади. Якунланган мавсумда у барча мусобақаларда 48 та ўйинда майдонга тушиб, 13 та гол урди ва 17 та голли узатмани амалга оширди. Унинг клуб билан амалдаги шартномаси 2031 йилга қадар мўлжалланган.
