"ПСЖ" вингери Брэдли Баркола парижликлар ҳужумчиси Усмон Дембеле билан ўзаро муносабатлари ҳақида гапирди.
"Усмон майдондан ташқарида фақат ҳазил қилади, биз ҳамма нарса ҳақида гаплашамиз. Аммо майдонга тушганида жуда жиддий қиёфага киради. Майдондан ташқарида у билан илк бор гаплаша бошлаганимда: "Қандай қилиб ўйиндан ташқарида шунчалик телбаларча қувноқ бўлиб, учрашув вақтида бунчалик жиддийликка ўта оласан?" деб сўрагандим", — дея Барколанинг сўзларини келтиради Telefoot нашри.
Брэдли Баркола 2023 йилда "Лион"дан "ПСЖ"га 45 миллион евро эвазига ўтган эди. Унинг Париж клуби билан шартномаси 2028 йилнинг 30 июнига қадар мўлжалланган. 2025/26 йилги мавсумда форвард парижликлар сафида барча мусобақаларда 49 та ўйинда майдонга тушиб, 13 та гол урди ва 7 та голли узатмани амалга оширди.
