«Манчестер Юнайтед» клуби ярим ҳимоячи Матеуш Фернандеш борасида «Вест Хэм» қўяётган талабни бажаришга тайёр эмас. «Болғачилар» португалиялик футболчи учун 80 миллион фунт стерлинг (тахминан 92,5 миллион евро) талаб қилмоқда — «қизил иблислар» раҳбарияти эса бундай нархга рози эмас, деб хабар бермоқда «Stretford End».

21 ёшли футболчининг ўзи, бошқа клублар томонидан қизиқишлар бўлаётганига қарамай, ҳанузгача «МЮ»га ўтишни афзал кўрмоқда. Манкунианликлар бош мураббийи Майкл Каррик хавбекнинг ўйинларидан ҳайратда қолган ва уни ўз жамоасида кўришни истайди.

«Transfermarkt» талқинига кўра, Матеуш Фернандешнинг бозор қиймати 50 миллион еврони ташкил этади. Футболчи Премьер-лиганинг ўтган мавсумида «Вест Хэм» сафида 36 та ўйинда майдонга тушиб, 3 та гол урди ва 4 та голли узатмани амалга оширди, бироқ Лондон клубининг Чемпионшипга тушиб кетишидан қутқариб қола олмади.