Англия грандлари учун «Пари Сен-Жермен» вингери Брэдли Барколанинг трансферини амалга ошириш осон кечмайди. Париж клуби 23 ёшли футболчи учун улкан нарх — 130 миллион евро белгилади, деб хабар бермоқда «Le10 Sport».

Франциялик футболчига «Ливерпуль» ва «Арсенал» клублари қизиқиш билдирмоқда. Премьер-лиганинг ҳар икки вакили ҳам ўйинчининг истеъдодини юқори баҳоламоқда, бироқ «ПСЖ»нинг бундай молиявий талабларини қондиришга тайёр эмаслар.

«Transfermarkt» портали Брэдли Барколанинг баҳосини бундан деярли икки баравар паст — 70 миллион еврога баҳолаган. Ортда қолган мавсумда «Лион» клуби тарбияланувчиси бўлган Баркола Луис Энрике жамоаси сафида 49 та ўйинда майдонга тушиб, 13 та гол урди ва 7 та голли узатмани амалга оширди.