«Барселона» клуби ёзги трансфер ойнасида ўнг қанот ҳимоячиси Жюль Кунде билан хайрлашишга тайёр. Каталония клуби франциялик футболчини сотувга қўйди, деб хабар бермоқда «Transfer News Live» нашри «El Nacional»га таяниб.
«Кўк-анорранглилар» 27 ёшли ўйинчининг трансферидан тахминан 80 миллион евро ишлаб олишни режалаштиришмоқда. Вазиятни Англия Премьер-лигасининг номи ошкор этилмаган бир нечта вакиллари диққат билан кузатиб боришмоқда.
«Transfermarkt» портали экспертлари Жюль Кунденинг бозор қийматини 60 миллион еврога баҳолашган. Ўтган йилнинг август ойида футболчи «Барселона» билан шартномасини 2030 йилга қадар узайтирган эди. Ортда қолган мавсумда ҳимоячи Ханс-Дитер Флик жамоаси сафида 47 та ўйинда майдонга тушиб, 3 та гол ва 4 та голли узатма (ассист) муаллифига айланди.
