Дортмунднинг «Боруссия» клуби ҳимоячиси Ян Коуту «Комо» жамоасининг қизиқишлар доирасида турибди, деб хабар бермоқда «Bild» нашри.
Манба берган маълумотларга кўра, клублар ўртасидаги музокаралар ҳали бошлангани йўқ. Қайд этилишича, дортмундликлар 24 ёшли бразилиялик футболчини 20-25 миллион евродан кам бўлмаган суммага қўйиб юборишлари мумкин.
Ортда қолган мавсумда Коуту барча турнирларда жами 27 та ўйинда майдонга тушиб, 3 та гол урди ва 3 та голли узатмани амалга оширди. Ҳимоячи 2025 йилнинг ёзида «Манчестер Сити»дан «Боруссия» клубига ўтган эди.
«Transfermarkt» портали Ян Коутунинг бозор қийматини 17 миллион еврога баҳоламоқда.
