Ҳуқуқлари «Милан» клубига тегишли бўлган франциялик дарвозабон Майк Меньян Англия Премьер-лигасига йўл олиши мумкин. Бу ҳақда «Calciomercato» журналистлари хабар бермоқда.

Манбанинг маълумотларига кўра, Лондоннинг «Челси» клуби ушбу посбонни ўз сафига қўшиб олишни мақсад қилган. Эҳтимолий трансфер суммаси тахминан 30 миллион еврони ташкил қилиши мумкин. Меньяннинг ўзи ҳам туманли Альбионга кўчиб ўтишга тайёр.

Италия чемпионатининг ортда қолган мавсумида 30 ёшли дарвозабон 37 та учрашувда майдонга тушди. Меньян ўз дарвозасидан 35 та тўп ўтказиб юборди, 15 та ўйинда эса дарвозаси дахлсизлигини сақлаб қолди.

Майк ва «россонери»лар ўртасидаги амалдаги меҳнат шартномаси муддати 2031 йилнинг июнь ойи якунига қадар мўлжалланган.