Мадриднинг «Реал» клуби ёзги трансфер ойнасида Мюнхеннинг «Бавария» клуби ва Франция терма жамоаси вингери Майкл Олисени ўз сафига қўшиб олишни жиддий мақсад қилган.
«Mundo Deportivo» журналистларининг берган маълумотларига кўра, эртага, 9 июнь куни «қироллик» клуби Германия жамоасига футболчи бўйича расмий таклиф юборади. «Қаймоқранглилар» Олисе учун 150 миллион евро таклиф қилишади. Агар Германия чемпиони бу таклифни рад этса, испанлар суммани янада оширишга тайёр.
Майкл Олисенинг «Бавария» билан амалдаги меҳнат шартномаси 2029 йилнинг ўрталарига қадар мўлжалланган. Ортда қолган 2025/2026 йилги мавсумда франциялик футболчи 52 та учрашувда майдонга тушиб, ўз ҳисобига 22 та гол ва 31 та голли узатмани расмийлаштириб қўйган.
