«Челси» клубининг чап қанот ҳимоячиси Марк Кукурелья ёзги трансфер ойнасида жамоасини ўзгартириш ниятида. Испаниялик футболчи аллақачон «кўклар» раҳбариятини кетиш истаги ҳақида огоҳлантирган, деб хабар бермоқда «Mundo Deportivo» нашри.
27 ёшли футболчи учун энг устувор вариант — «Барселона»га қайтиш ҳисобланади. Лондонликлар ушбу ўйинчининг сотувидан 40 миллиондан 50 миллион еврогача маблағ ишлаб олишни кўзлашмоқда.
«Барселона» Марк Кукурельяни ўз сафига қўшиб олишга қизиқиш билдирмоқда, бироқ аввалроқ хабар берилганидек, каталонияликлар бу трансферни фақатгина жамоадан кетишга шошилмаяётган Алехандро Бальде билан хайрлашган тақдирдагина амалга оширишга тайёр бўлишади.
Кукурелья ўз фаолиятини Каталония клубида бошлаган, аммо ўша пайтда асосий жамоага кира олмаган эди. Латераль «Челси» сафида 2022 йилдан буён тўп суриб келмоқда.
