Колумбия терма жамоаси Американинг Сан-Диего шаҳрида бўлиб ўтган ўртоқлик учрашувида Иордания устидан ғалаба қозонди — 2:0.
Ўйиндаги ҳисоб 41-дақиқада ҳужумчи Жон Ариас томонидан очилди, унга ярим ҳимоячи Хамес Родригес голли узатма етказиб берди. Баҳснинг 55-дақиқасида Ариас дублни расмийлаштирди — бу сафар унга ҳимоячи Сантьяго Ариас ассистентлик қилди.
Учрашувнинг 90-дақиқасида Иордания терма жамоаси ярим ҳимоячиси Амер Хамоус иккинчи сариқ карточкасини олиб, майдондан четлатилди.
Эслатиб ўтамиз, 2026 йилги Жаҳон чемпионати финал босқичининг гуруҳ босқичида Колумбия терма жамоаси Португалия, Конго ДР ва Ўзбекистон билан биргаликда баҳс олиб боради. Иордания эса Аргентина, Жазоир ҳамда Австрия терма жамоаларига қарши майдонга тушади.
