«Барселона» бундан тахминан беш йил аввал Хулиан Альваресни 20 миллион евро эвазига сотиб олиш имкониятига эга эди. Каталония клубига аргентиналик футболчининг хизматлари у «Манчестер Сити»га трансфер қилинишидан олдин таклиф этилган. Бу ҳақда журналист Хосеп Мария Мингелья ижтимоий тармоқларда хабар берди.
Ўшанда «Барселона» 20 миллион еврони беш йил давомида бўлиб-бўлиб тўлаши ҳам мумкин эди. Бироқ «кўк-анорранглилар» Альваресни сотиб олишдан бош тортишган. Каталония клуби бор эътиборини ва танловини Ферран Торресга қаратган.
Қайд этиш жоизки, 2026 йилнинг ёзида «Барселона» Альварес учун 100 миллион евродан кўпроқ пул тўлашга тайёр турибди.
